"અમેરિકા હોય કે..."

અમેરિકા હોય કે હોય ઓલું ઇંગ્લેન્ડ,
મનડું મૂંઝાય અને તનડું તવાય છે.
દેખીતો ફાયદો અને ખોટ મોટી જાય છે.

કોઈ વળી કહે છે: ડોલરને યાન થકી ગમતીલી ખોજ છે,

દરદ અનેક પણ દવા હોય હાથવગી, અને એક મોજ છે.
અંદર તો બોજ, ગૂમ થયા નામ, નંબરથી લોક ઓળખાય છે.

અમેરિકા હોય કે હોય ઓલું ઇંગ્લેન્ડ...

કોઈ વળી કહે છે; દોમ દોમ સાહયબીની જોવા જેવી શાન છે,
નડે એક કાયદો, દેખાય છે ફાયદો, એના જ દંડ થકી માન છે:
મકાનો આસમાની તોય, પેલા 'ઘર' જેવું કંઈક તો ભૂલાય છે.
અમેરિકા હોય કે હોય ઓલું ઇંગ્લેન્ડ...

દૂરથી નજીકને દૂર, કાનમાં લટકું કરતો હાજર મોબાઈલ છે.
ઓફિસે, રસ્તે, ગાડીએ એકલા, હાથે લેપટોપ ઈ-મેઈલ છે:
ખાસખાસ, બેઠાં હોય આસપાસ, લાગે કે હૈયું એક ફેઈલ છે.
અંદરથી બહાર નીકળવા ચાહતી લાગનીયું પલપલ છેતરાય છે.
અમેરિકા હોય કે હોય ઓલું ઇંગ્લેન્ડ...

દરિયાના પાણીને બરફના ઢેર, ચોમાસે વરસાદી કેર છે,
નવીનવી સ્કીમમાં, લાઈફ ટાઈમ ચાલે ઈ ટહુકો તો ઘેર છે.
મોજ ભરી ઉડવા મથતું પંખીડું માળામાં એકલું અથડાય છે.

અમેરિકા હોય કે હોય ઓલું ઇંગ્લેન્ડ...